85-ILMI-o-Tahqeeqi MAJLIS (Open Q & A Session) with Engineer Muhammad Ali Mirza Bhai (20-Oct-2019)

For Download: Please right click on the icon and select the option save as link

Questions

00:01:02

Aksar bhaiyon aur Behnon ki taraf se yeh shikayat hoti hai kay aksar Aik maah guzar jaanay key baad bhi unhe daak mein Research Papers nahi miltay ! Iss hawalay say Ali Bhai tak yeh baat pahuncha dein...Iska maqsad Ali Bhai ki Team ki shikayat lagana nahi balki Islaah karna hai?

00:35:04

Pichlay dinon Maulana Tariq Jameel Sb.Hafizaullah Ki Jaanib say PM Janab Imran Khan kay Haq mein diye jaanay walay bayan kay radd-e-amal mein Deoband Maktab e Fikar kay Ulama ki jaanib say jo Fatwabaazi ka bazaar garam hai uskay baad aik aam Pakistani Muslim ki kya zimmedari hai keh wo kis ki baat ko maaney aur kis ki baat naa manay Ali bhai aap apna moaqqaf dein?

01:04:21

Mein nay aik saal pahlay apnay bhai say 1,75,000 rupaye udhaar liye they us waqt woh rakam usnay Dollars mein bhijwaayi thi jo main nay yahan Pakistani Rupee mein wasool ki thi aaj jab wapsi ki baari aayi to woh kah raha hai ki Qarz dollar mein wapas karo jabki ab dollar ki value ab derh guna barh chuki hai. Kia uska yeh mutalba durust hai?

01:13:51

Mein Ahl-e-Hadees Maktab e Fikr ka Paighaam TV Channel bohot shauq say dekhta hoon kyonki Ahle Hadees Ulema baaqi Firqon ke muqablay Zaeef aur Man gharant Ahadees say iztinaab kartay hain, lekin pichle dinon usi channel par Jama-e-Tirmidhi ki Hadees ka ticker chal raha tha ki Nabi ﷺ ne farmaya Kay Arab kay logon se bughz na rakho balkay Muhabbat karo kionkay mein bhi Arabi hoon . Jab mein nay Islam 360 mein iska reference daala to hadees ka number to sahi nikla lekin hadees zaeef nikli to Ali Bhai se guzarish hai ki awam ko aagaah karein ki hadees ki sihat ke liye ulema par aitmaad ki bajaye Ahadees ki original kitaabon par tawajjah karein?

01:25:59

Kia koi Muslim apna naam khud say jawan honay kay baad change kar sakta hai, jab-keh uskay puranay naam mein koi harz bhi na ho mazeed yeh bhi bata dein kay aisa shakhs agar apni NIC aur Passport par naam durust na karwaye to kya woh gunahgaar to nahin hoga?

01:41:20

Kya Nakhun aur Ghair zaruri baalon ko kaatnay ke baad dustbin mein phenkna jaiz hai ya zameen mein hi dafn karna hoga mazeed yeh bhi bata dein k hair removing cream ka istamaal jaiz hai ya najaiz?

01:52:00

Aajkal Islamabad aur Rawalpindi kay ilaakon mein Dengue bukhaar ki waba phaili hui hai aise mein kya doosray shahron ke logon ko Islamabad kay safar se ijtinaab karna kya tawakkal Alallah ke munaaf'i toh nahi?

02:01:49

Mayyat ko Kafan aur Ghusal dekar aur baar baar mayyat ko rok kar uskay chehre ko khol khol kar dikhana kahan tak durust hai ?

02:07:00

Mein nay ek famous housing scheme mein apartment khareeda hai jiski installments 2 saal mein mukammal hongi, mera iradah hai ki mein is apartment ko kiraye par dunga to kia mujhay is par Zakaat bhi adaa karni hogi ?

02:12:10

Mein wazan kam karna chahti hoon aur Ramadhan kay chootay hue Rozon ki Qaza bhi karna baaqi hai , Aam surat e haal mein dieting karna mushkil hota hai albatta Rozay rakhkar sabr aa jata hai Agar mein dieting ki niyyat say Qaza rozay rakhun to kya yeh jaiz hai jabki meri niyyat qaza rozay rakhnay ki bhi hai ?

02:24:36

Maulana Makki Al Hijazi Deobandi Sb. ki new video samnay aayi hai jis main unhonay yeh Da'waa kiya hai ki Maulana Maudoodi Rahimaullah ka nazariya yeh tha ki Shadi Shuda Zaani kay liye Rajam wali saza nahi hai to isliye woh iss saza kay munkir huye aur Raah e Haq se unkay qadam phisal chuke they to Maulana Makki ka yeh dawa kahan tak durust hai ?

For Pamphlets

  • Qur'an-o-Sunnat Research Academy Jhelum

    +92- 321 -5900162

    9:00AM - 1:00PM & 2:00PM - 5:00PM

  • Rs. 500

    This cost apply only to those who can afford it. If for any reason you cannot afford it, We shall send you one copy for free.

For Visit

For Meeting with Eng.Muhammad Ali Mirza
Reached time 8:30AM to 10:00AM at academy address

Note:
kindly call +92- 321 -5900162 before coming for meeting.

Address: Qur'an & Sunnat Research Academy Jhelum, 2nd Floor in Mahfooz Plaza, Opposite Pak Army Recruitment Office Jhelum. In-sha-ALLAH Next (18-July-2021) Weekly Program will be held at New Location.
Google MAPS:👇🏼 Click Here

© Design & Developed by SUNZTECH

Icon this is notification panel